Tuesday, May 8, 2012

Governu AMP Obriga Trabailadores Timor Oan Servisu Iha Loron Bo'ot Bá Trabalahadores


Notisia Husi TVTL
Tersa Kalan, 05 Maiu 2012


Timor Oan Triste Bá Loron Bo’ot Trabalhador
“Governu Obriga Trabailador Tamba 20 de Maiu Konstrusaun Estrada Emerzensia Tenki Remata”

Trabalhadores bá estrada no lozas balun kontinua loke maske ohin loron (01/05), loron bo’ot ba trabalhadores sira, razaun trabalhadores kontinua hala’o servisu iha loron feridau hodi bele hata’an bá nesidades loron-loron.


Loron 01 fulan Maiu nudar loron bo’ot bá trabalhador sira iha mundu tomak, tinan-tinan sempre selebra loron bo’ot ida ne’e no trabalhadores sira iha direitu hodi deskansa iha loron ida ne’e.


Iha Timor-Leste komemora mos loron bo’ot ida ne’e katak, trabalhadores sira hetan direitu ferias ou deskansa iha loron espesial ida ne’e, maibe kontrariu ho trabalhadores balun, ne’ebe sira nia servisu ezizi atu sira kontinua nafatin halo servisu iha loron ne’e, tamba deit kestaun de responsablidade no kestaun bá hatan nesesidade familia nian.


“Ami kontinua servisu tamba ita nia Governu mos obriga, katak, dia 20 de Maiu agora tenki remata ona, tamba ne’e ami tenki seviso nafatin, se karik ami lá servisu iha loron hanesan ne’e, entaun servisu labele hotu iha loron 20 de Maiu,” dehan trabalador ne’ebe halo konstrusaun emerzensia ba estrada iha Kapital Dili. 

Manifestante Harahun Vidru Hotel Timor

Image: news.asiaone.com
Notisia Husi TVTL
Tersa Kalan, 05 Maiu 2012



Manifestante Harahun Vidru Hotel Timor
“PNTL Uza Forsa Ho Tiru Gas Air Mata No Kaptura Responsavel Manifestante”

Membru Polisia ida hetan kanek wainhira hala’o hela atuasaun asaun pasifiku iha Hotel Timor Dili, iha asaun pasifiku ne’e massa mos konsege haraun vidru Hotel nian no Polisia kaptura manifestantes balun.


Estudante no joventude iha kapital Dili komemora loron trabailador, iha eventu ne’e masa organiza a’an hodi hahu marca husi Kaikoli hodi ba to’o iha Hotel Timor nia oin.


Asaun pasifiku ne’e hanesan jestu de protestu hasoru Diretor Hotel Timor ne’ebe hasai trabalhador Timor oan hamutuk nain 4 husi servisu.


Polisia Nasional Timor-Leste (PNTL) lá fo autorizasaun hodi halo manifestasaun iha fatin ne’e, maibe manifestante sira kontinua halao manifestasaun hodi hasoru Diretor Hotel Timor.


Dezentendementu entre manifestante no Polisia rejulta membru PNTL nain 3 kanek no vidru Hotel nian hetan tuda husi massa, maibe PNTL konsege halo atuasaun bá akontesementu ne’e ho tiru gas Air Mata e PNTL mos uza nia forsa konsege kaer responsavel husi manifestasaun hodi submete bá investigasaun. 

FRETILIN Dezafia No Motiva Maka'as Media Nasional Publika Lia Los Bá Interese Nasional


Jornal INDEPENDENTE
Sesta, 04 Maiu 2012


“Media Nasional Tenki Brani Publika Lia Los”

Bankada FRETILIN iha Parlamentu Nasional (PN) dezafia no motiva maka’as Media Nasional sira hodi publika lia los bá interese nasional.


Kinta-feira (03/05) nu’udar loron liberdade imprensa ne’ebe mundu tomak selebra loron ne’e, inklui Timor-Leste ne’ebe organiza husi organizasaun media sira.


Nune’e, ho loron liberdade imprensa ne’e, FRETILIN kongratula media tomak ne’ebe durante ne’e sai hanesan kontrolu social iha nasaun foun ida ne’e.


“Ami (FRETILIN) fo parabens bá imi (Jornalista no Media) hotu ne’ebe selebra loron liberdade ne’e, husu atu brani publika lia los,” deklara Vise Prezidenti bankada FRETILIN, Deputadu Francisco Branco, liu husi konferensia imprensa horsehik iha Bankada FRETILIN.


Nia hatutan, nudar orgaun komunikasaun social no kontrolu social, kontinua garante nia profesionalidade no dedikasaun hodi informa lia los bá publiku.


Durante independensia TL, Branco dehan, Media hatudu nia imparsialidade maske ho problema no difikuldade ba ekipamentus ne’ebe jornalista sira infrenta.

Lista Kandidatu Deputadu FRETILIN Bá PN Periode 2012-2017 Sei Reprezenta Kada Distritu


Jornal INDEPENDENTE
Sesta, 04 Maiu 2012



“Lista FRETILIN Bá PN Fo Oportunidade Bá Distritu”

Eleisaun Parlamentar periodu 2012-2017, Partidu FRETILIN sei fo oportunidade bá militante sira husi distritu atu tama iha lista membru Parlamentu Nasional (PN).


Sekretariu Jeral Partidu FRETILIN, Mari Alkatiri, hateten, lista kandidatu deputadu PN husi partidu FRETILIN nian sei reprezenta kada distritu.


“Pelummenus Deputadu ida tenki mai husi Distritu ida-idak nian,” tenik nia, iha bankada FRETILIN, Uma Fukun PN, foin lalais ne’e.


Nune’e, nia dehan, deputadu FRETILIN balun ne’ebe mak oras ne’e dadaun tu’ur iha Uma Fukun, maske lá temi naran, maibe iha posiblidade balun sei tu’ur iha uma, tanba naran lá tama ona iha lista kandidatura.


“Sira ne’ebe mak iha Bankada agora, balun deit maka kontinua,” dehan Alkatiri.


Konaba preparasaun atu hasoru eleisaun Parlamentar, Alkatidi dehan, nu’udar Partidu bo’ot, FRETILIN sempre preparadu ona.