 | ||
| Image: Leonia Monteiro |
Segunda-feira, 05 Marsu 2012
Kampaña Kandidatu PR Lu-Olo Iha Distritu 5 Hanesan Tasi Been
“Sekjer Mari Alkatiri: Husu Ba Apoiantes Kandidatu PR Lu-Olo Labele Les Pamfletu Kandidatu Seluk Nian”
Sekretariu Jeral partidu FRETILIN Dr. Mari Alkatiri, hateten, nia garante KAPREZ Lu-Olo sei manan iha eleisaun Prezidensial mai, maske iha provokasaun no rumoris barak, husu nafatin ba militantes atu iha integridade nafatain, ho objetivu atu alkansa ba Vitoria ho estabilidade no paz.
Hau hare iha kampaña distritu husi ermera, Same, Viqueque, Lautem, Baucau, iha kampaña ne’e Povu sai hanesan tasi been mak nakonu iha rai ida nee, tanba ne’e, hau garante katak, iha Lu-Olo nia kandidatura sei manan iha eleisaun prezidensial mai, ho kandidatu 13, hau fiar sei la to’o segundu ronde, sei iha deit primeiru ronde, no terseiru ronde kandidatu seluk sei ba terseiru ronde ba, vota iha ida-idak nia uma,” dehan Alkatiri.
Tanba ne’e, sekretariu Jeral Alkatiri husu ba apoiantes KAPREZ Lu-Olo atu labele halo provokasaun, labele les foto ka pamfletu politiku husi kandidatu seluk.
“Hau simu informasaun husi CNE no Kandidato Abilio Araujo katak, iha pamfletus ka fotos husi kandidatu seluk ita nia ema hasai, maibe hau husu nafatin atu labele monu ba manobras, tanba buat sira ne’e hanesan politika ida,” hateten Alkatiri.
Nia dehan Lu-Olo iha esperensia durante tinan 5 hanesan Presidente Parlamentu Nasional hala’o konstituisaun RDTL, tanba ne’e la difisil atu kaer estadu iha tinan 5 mai.
Relasiona ho KAPREZ seluk ne’ebe maka hala’o programa kampaña, ne’ebe hato’o kompromisiu hodi koalia fali kona ba programa governu nian, hanesan atu rekoinese veteranus, dignifika faluk no oan kiak no ferik katuas.
Tuir Alkatiri, husu ba povu tomak katak konstituisaun RDTL iha primeira lejislativu ne’ebe maka lidera husi FRETILIN mak halo lei hotu kona ba veteranus, oan kiak, faluk no ferik katuas, hadiak edukasaun, saude, agrikultura no infraestrutura.
No comments:
Post a Comment