“Mari Alkatiri: Simu Medalla Meritu, Ne’e Signifika Lu-Olo Sei Sai PR Periodu 2012-2017”

Photo:Leonia Monteiro

Jornal Timor Post
Kuarta-feira, 29 Fevereiru 2012

Horta Kondekora Lu-Olo Tamba Kandidatu Rival 

“Mari Alkatiri: Simu Medalla Meritu, Ne’e Signifika Lu-Olo Sei Sai PR Periodu 2012-2017”

Prezidenti Republika (PR) Dr. Jose Ramos Horta no Sekretariu Jeral partidu FRETILIN Dr. Mari Alkatiri rekoinese katak, Dr. Francisco Guterres Lu-Olo rival no maka’as tebes kompara ho kandidatu seluk.

Horta hateten, kandidatu ne’ebe rival tebes iha eleisaun maka ‘Lu-Olo, tamba faktu akontese iha 2007 iha primeiru ronde KAPREZ Lu-Olo maka hetan votu barak liu depois lakon iha segundu ronde.

“Hau kondekora Lu-Olo tamba nia hanesan kandidatu ida ne’ebe maka rival no maka’as tebes, ida ne’e diak tamba pidiojia demokrasia ba ita nia nasaun,” Horta hateten hafoin intrega Medalla Meritu ne’ebe aas liu ba esi Prezidenti Parlamentu nasional Lu-Olo iha Palasiu Prezidenti, Tersa, (28/02).

Aliende ne’e, sekretariu jeral (Sekjer) FRETILIN Mari Alkatiri ho fiar metin katak, Lu-Olo sei manan iha eleisaun ne’ebe maka sei hala’o iha 17 Marsu ne’e.

“Simu Medalla Meritu ne’e signifika, Lu-Olo rival kedas no nia ema ida ke iha kualidade para atu sai duni prezidenti republika, hau bele dehan katak, ne’e homenazen ida ke fo husi Prezidenti atual ba prezidenti priodu 2012-2017,” Alkatiri hateten.