Povu Tenki Vota Iha Distritu “Horta Konsidera Halo Lei Eleitoral “Ulun Laiha”

Image: cbc.ca

Jornal INDEPENDENTE
Segunda, 19 Marsu 2012 

Povu Tenki Vota Iha Distritu
“Horta Konsidera Halo Lei Eleitoral “Ulun Laiha”

Prezidente Republika Dr. Jose Ramos Horta triste tebes no konsidera lei eleitoral hamate ekonomia povu kiak ne’ebe kbi’it la-iha.

Tuir nia katak, lei obriga povu ne’ebe la-iha osan transporte publiku atu fila ba tuir votasaun iha sira nia suku, moris fatin iha distritu ida-idak.

“Hau triste de’it, hau ba Manatuto, hau fila mai, hau haree Timor oan, rihun ba rihun, iha udan laran, motor, kareta no angguna halo hau hirus oituan, lei eleitoral ida ne’e atu obriga ema ne’ebe kiak, sira ne’ebe fila liman, tamba mesak sira osan la-iha maibe tenki fila sira nia distritu hodi tuir eleisaun,” dehan Horta hafoin tuir votasaun iha sentru votasaun iha eskola Primaria Metiaut, Dili, Sabadu (17/3.

Horta dehan, Povu mak sei termina, se povu hakarak hili Kandidatu LÚ-OLO, Taur, Lasama, Jose Luis Guterres maka manan, nia parte sei fo apoiu masimu atu hadia rai ne’e nia vida.