Dr. Francisco Guterres “Lú-Olo”: Timor-Leste ukun a’an tinan 10, maibe FRETILIN sei kontinua sai inimigu

 

Lú-Olo For President 2012-2017

Suara Timor Lorosae (Segunda, 20/02/12)

Tinan 10 FRETILIN kontinua sai inimigu

Dili – Kandidatu Prezidenti Repúblika (PR), husi Partidu FRETILIN, Dr. Francisco Guterres “Lú-Olo”, hatete Timor-Leste ukun a’an tinan 10, maibe FRETILIN sei kontinua sai inimigu.

“Ami husu ba ami nia a’an, ita atu sai fali inimigu ba se lo’os, ne’e mak ami nia perguntas ba ami nia a’an rasik” Dr. Lú-Olo informa lia ne’e wainhira visita STL iha loron hirak liu ba.

Iha visita ne’e, jornalista Augusto da Costa kestiona tanba tinan 24 FRETILIN sai mata-dalan ou sai sumrina ba luta ukun a’an, maibe ukun an ne’e ema barak ataka FRETILIN.

Dr. Lú-Olo hatete lider Poltikus sira tenki prepara a’an katak iha Demokrasia, tenki hatene simu dezisaun povu nian.

Prezidenti FRETILIN ne’e hatutan, FRETILIN Partidu ida bo'ot ho nia estrutura Nasional, maibe ema seluk sei iha hanoin atu tau inimigu ho FRETILIN. “Ema balu konsidera FRETILIN lakohi hakoak ema, maibe kestaun ema nebe FRETILIN hakoak metin lakohi hamutuk ho FRETILIN.