KAK INVESTIGA MINISTRU AMP Ba EKONOMIA No DEZENVOLVIMENTU HUSI PSD, JOÃO GONÇALVES

JN Diário (17 Fevereiru 2012)

Rehabilitasaun Uma Trade Invest Atraza, KAK Investiga João Gonçalves

Komisaun Anti Korupsaun (KAK),  Kinta (16/2/2012), bolu urjenti Ministru Ekonomia no Dezenvolvimentu (MED), João Gonçalves, hodi ba hatan sobre atrazamentu ba projetu rehabilitasaun uma Trade Invest.

Hafoin marka prezensa iha Edifisiu KAK, Ministru husi Partidu Sosial Demokratiku (PSD) ne’e deklara ba jornalista sira katak “KAK bolu hau mai iha ne’e atu presta dokumentasoens ne’ebe mak hau nia Ministeriu iha kona ba projetu rehabilitasaun uma Trade Invest” klarifika Ministru AMP, João Gonçalves.

Orsamentu ne’ebe aloka ba projetu ne’e hamutuk US$ 500,000 husi orsamentu raktifikativu 2010 nain.

Ministru husi governasaun AMP nian ne’e mos fo’o sasin katak Inspektor Geral ba Estadu mos halo investigasaun, no nunka kolia fali ho nia (João Gonçalves) atu hetan justifikasaun lolos. Ho nune’e, Ministru João Gonçalves la konkorda ho dezisaun IGE nian, ne’ebe konsidera atribuisaun alokasaun ba projetu ne’e iha iregularidade. At liu tan, tuir Ministru AMP ne’e, investigasaun husi IGE ne’e nunka iha koordenasaun ho nia (João Gonçalves) hanesan Ministru Ekonomia no Dezenvolvimentu. 

 “Inspektor Geral ba Estadu koalia ho asesor no aprovizionamentu hodi foti konkluzaun katak, desizaun ba projetu ne’e iregularidade. Ne’e lalos,” afirma João Gonçalves

Ministru husi Partidu Sosial Demokratiku (PSD), João Gonçalves sita kompañia rua mak atu ejekuta projetu ne’e maibe rejeita atu fo sai kompañia rua ne nia naran. Jornalista sira tenta atu konfirma klaramente ho KAK, maibe autoridade sira iha KAK rejeita fo naran, tanba procesu ne’e sei iha investigasaun.