Angela Apoiu KAPREZ Lú-Olo

Jornal Timor Post
Segunda, 12 Marsu 2012

“Angela Apoiu KAPREZ Lú-Olo”

Presidenti partidu Trabalista Timor (PTT) Angela Freitas deklara ba publiku katak hamutuk ho militantes tomak apoiu kandidatu Prezidenti republika (KAPREZ), Francisco Guterres Lú-Olo, tanba kandidatu ne’e mak, tuir nia, lideransa ida ne’ebe maka hatene povu aileba nia moris no hakarak defende Estadu de Direitu Demokratiku.

Ba kestaun ne’e, nia hato’o bainhira Kandidatu Lú-Olo hala’o nia Kampaña iha distritu Aileu, maske udan boot maibe militante sira kontinua antoziasmu hodi rona kompromisiu eleitoral no deklarasaun husi Prezidenti PTT ne’e.

Ba kestaun ne’e, Presidenti PTT Angela Freitas deklara hamutuk ho militante sira para Vota ba KAPREZ Lú-Olo.

“Ohin loron 9 Fulan Marsu, hau deklara totalmente apoiu maun boot Lu-Olo ba Prezidenti republika, tanba nia kandidatu ne’ebe maka priense kriteria tomak no hanesan povu aileba no lider rejistensia ida ne’ebe maka hakarak garante deit paz no estabilidade nasional,” Angela Freitas deklara iha sidade Dsitritu Aileu, Sesta (9/3).

Razaun PTT apoiu Lú-Olo, tuir nia katak, tanba ideolojia no kompromisiu hakuak povu no defende konstituisaun, la fahe povu husi etniku no rasa.

Durante ne’e, hau hare injustica akontese barak, tanba ne’e, ami hakarak fo apoiu ba maun bo’ot Lú-Olo ne’ebe maka hola konta ba prosesu luta tomak ba rai Timor,” Angela reafirma.
 
Tanba ne’e, Angela husu ba apoiantes no militantes partidu Trabalhista para hili KAPREZ Lú-Olo parente krizi nunka fahe povu, husi loro monu ba loro sa’e, tanba ne’e politika barak ne’ebe maka mosu ohin loron bosok maka barak.

Nia dehan, Eis Presidenti Parlamentu Nasional ne’ebe maka halo ona konstituisaun RDTL, tanba Lú-Olo mak sai hanesan restaurador ba independensia TL.