Banki Moon Fo Parabens Ba Povu Timor-Leste

Image: muftah.org

Jornal Timor Post
Tersa, 20 Marsu 2012


Sekretariu Jeral Organizasaun Nasoens Unidas (ONU) Ban Ki Moon, hato’o nia parabens no elojia ba povu Timor-Leste, tanba povu rai ida ne’e hatudu duni iha pratika hodi hametin paz no estabilidade, no hatudu ambiente demokrasia ne’ebe la’o ho hakmatek iha eleisaun Prezidensial, Sabadu (17/03).


Sekretariu Jeral Ban Ki-Moon, fasilita povu Timor-Leste ne’ebe demonstra sira ninia komprimisiu demokrasia ho paz.

“Sekjer fo nia felisidade ba autoridade nasionais sira ne’ebe hala’o eleisaun, hanesan STAE no CNE, ne’ebe organiza no superviziona votasaun, inklui papel PNTL nian hodi fo manutensaun ba ambiente ida ke estavel,” informasaun ne’e deklara husi Portavos Sekjer ONU, Banki Moon, ne’ebe publika husi ejensia Sentru Notisia Nasoens Unidas, UN News Center, Dominggo (18/03).

Portavos Banki Moon ne’e ralsa tan katak, Ban Ki Moon afirna nia pozisaun, ONU iha komitmentu nafatin hodi fo’o sira nia suporta ba prosesu eleisaun iha Timor-leste to’o remata iha tinan ne’e.

“Ho susesu eleisaun 2012, sei iha koperasaun tranzisaun foun entre Timor-Leste ho ONU,”hatutan Porta Vos ne’e.

Enkuantu, iha fulan kotuk liu ba, ONU hanaruk ona nia misaun iha nasaun ne’e to’o rohan ba tinan ida ne’e (2012), no sei remata iha 31 Dezembru.