Estanislau da Silva: Parabens Ba Povu Tomak Nia Partisipasaun Iha Eleisaun PR

Image: fretilinmedia.blogspot.com

Notisia Husi TVTL
Tersa Kalan, 19 Marsu 2012

Deputadu Parlamentu Nasional husi Bankada FRETILIN, Estanislau da Silva Aleixo apresia ho eleisaun Prezidensial tinan ne’e, tamba prosesu eleisaun iha teritoriu tomak la’o ho diak.

Apresiasaun ne’e hato’o husi membru Deputadu Parlamentu Nasional husi bankada Opozisaun, FRETILIN, Segunda-feira (19/03) ne’e iha Uma Fukun Parlamentu Nasional, relasiona ho eleisaun Prezidensial ne’ebe hala’o ho pasifika iha rai laran, tamba pas no estabilidade ne’ebe mosu iha periodu eleisaun ne’e, tamba kontribuisaun husi Timor oan hotu hodi hili Prezidenti ba Povu tomak, liu husi eleisaun pasifika.

“Fo parabens ba ita nia povu tomak, ne’ebe ho difikuldades, ema barak tebe-tebes maka ba ezersiu sira nia diretu hodi fo sira nia votu hodi hili kandidatu ne’ebe ke sira fiar, hodi bele servisu ba rai ida ne’e, ba PNTL mos servisu ne’ebe diak tebes, ne’e hatudu katak, eleisoens ne’e la’o diak no hatudu duni matoridade politika,” dehan Estanislau da Silva.

Iha Plenaria Parlamentu Nasional mos kestiaona ba problemas estradas iha rai laran, tamba difikulta sirkulasaun eleitores iha fatin votasaun.