Eleisaun PR 2012 Diferente ho 2007: “PR Horta: Timor Leste Hatudu Nia Komitmentu Demokrasia Ba Mundu Ne’ebe Nakonu Ho Dame”

Image: thecommunity.com

 Notisia Husi TVTL
Segunda Kalan, 18 Marsu 2012
 

Eleisaun PR 2012 Diferente ho 2007

“PR Horta: Timor Leste Hatudu Nia Komitmentu Demokrasia Ba Mundu Ne’ebe Nakonu Ho Dame”

 
Prezidenti da Repúblika Jose Ramos Horta apresia ho eleisaun Prezidensial iha periode 2012 to’o 2017, tamba durante prosesu kampaña to’o eleisaun, la’o ho susesu.

“Nudar Xefe do estadu e nudar Timor oan hau orguilhu teb-tebes ke eleisaun ne’e la’o diak, Povu Timor-Leste hatudu nia komitmentu ba demokrasia, tamba maske iha difikuldade oi-oin, hanesan estrada, transporte, udan, hahan, maibe populasaun nia partisipasaun ne’e diak teb-tebes,” deklara Horta.

Maske kondisaun iklima ne’ebe la permiti, maibe la-hamate espiritu populasaun iha distritu 13 hodi tuir eleisaun no hili nia lideransa sai Prezidenti ba Povu tomak.

Tuir komunidade sira mos katak, eleisaun tinan ida ne’e diferente ho eleisaun iha 2007, tamba povu moris iha hakmatek no estabilidade nia laran hodi hili sira nia lideransa ba Prezidenti da Repúblika.