Uma 20 Resin Hetan Estraga Husi Anin Bo’ot Iha Suku Wailili, Distritu Baucau

Image: timorhauniandoben.blogspot.com

Notisia Husi TVTL
Segunda Kalan, 18 Marsu 2012

 

Uma 20 Resin Hetan Estraga Husi Anin Bo’ot

“Familia Balun Seidauk Hetan Apoiu Husi Governu”

Uma 20 resin hetan estraga husi anin no Hali toar iha Suku wailili, Distritu Baucau, horas ne’e dadaun familia vitima balun hetan ona apoiu husi Governu maibe balun seidauk hetan apoiu.

Anin boot ne’ebe akontse iha loron hirak liu ba halo hali barak maka monu hodi estraga totak uma komunidade 20 resin iha Suku Wailili, Sub Distritu Baucau Vila, Distritu Baucau.

Tuir informasaun ne’ebe hato’o husi Xefe do Suku Wailili, katak, oras ne’e dadaun familia balun hetan ona apoiu lona no fos maibe balun seidauk.

Aliende estraga uma komunidade, anin bo’ot ne’e mos halo hali tuan barak mak monu hodi difikulta movumentu transporte publiku.

Ho akontesementu ne’e, transporte publiku no privadu dirasaun Baucau, Venilale no Viqueque labele halo sirkulasaun, tuir informasaun ne’ebe hato’o husi administrador Distritu Baucau, katak, hali hirak ne’e mos estraga ai ri’in eletrisidade iha fatin refere hodi halo energia eletrika iha suku ne’e, labele lakan normal. Tuir prediksaun, inpaktu husi anin bo’ot ne’e, komunidade sira lakon sira nia uma kuaze orsamentu U$200.000.