Governu AMP La-Tau Atensaun Ba Estrada: “Kareta F-FDTL Baku Fila"

Image: paginaglobal.blogspot.com

Notisia Husi TVTL
Sabadu Kalan, 10 Marsu 2012

Governu La-Tau Atensaun Ba Estrada 
“Kareta F-FDTL Baku Fila, Membru F-FDTL Nain 1 Kanek Todan No Seluk Kanek Kma’an”

 
Membru Falintil-Forca Defeza Timor-Leste (F-FDTL) hamutuk 25 hetan asidenti iha Suku Fatuk Hun, Aileu. Membru hirak ne’e ida hetan kanek todan no seluk kanek kma’an.

Asidenti ne’e akontese iha dader tuku 10, wainhira ekipa ne’e hala’o viazen husi Same mai Dili. Kareta ne’e baku fila maizumenus ho metru 12 husi estrada, vitima ne’ebe hetan kanek todan ho transpota direitamente mai Dili no sira ne’ebe hetan kanek kma’an lori ba Hospital Aileu hodi tau soru no transporte lori kedas ba Hospital Nasional Guido Valadares.

Tuir mediku emerjensia katak, ekipa ne’e hetan asidente tamba interompe husi motor ne’ebe viazen husi Dili.

“Tuir informasaun mai ami katak sira ses ho motor ida husi Dili, maka namdoras no kareta baku fila tun,” dehan Dotor iha HNGV.

Kareta refere oras ne’e dadaun sei iha hela fatin akontesementu, maibe ho kondisaun ne’ebe grave alias la-aproveita.