Governu La Tau Seguransa “Ema Deskoñesidu Estraga Klinika Matan”

Image: stourton.blogspot.com

Notisia Husi TVTL
Tersa Kalan, 19 Marsu 2012

Ema deskoñesidu estraga Janela Klinika matan iha Hospital Nasional Guido Valadares (HNGV). Akontesimentu ba dala-2 ona maibe seidauk hetan atensaun husi Governu.

Problema ne’e akontese iha loron 3 liu ba, ne’ebe ema deskoñesidu naok vidru janela no kua a’at rede janela Klinika matan. Infremeiru Gil da Costa, hateten klinika ne’e hari’i maibe to’o oras ne’e Governu seidauk monta seguransa iha fatin refere.

Akontesimentu ne’e ba dala 2 ona, husi parte Klinika hato’o ona ba administrasaun Hospital maibe Governu to’o agora seidauk foti medidas ruma.

Hare ba akontesementu ne’e Gil da Costa husu atensaun orjenti husi Governu hodi monta seguransa iha Hospital refere.