Eleitores 15.184 Iha Ermera La Tuir Eleisaun

Image: un.org

Jornal Timor Post
Tersa, 20 Marsu 2012

Eleitores 15.184 Iha Ermera La Tuir Eleisaun

“Natureza Bani Hirus Asaltu Sentru Votasaun”

Comisaun Nasional Eleisoens (CNE), Distritu Ermera informa, husi total eleitores ne’ebe maka rejistu iha Distritu Ermera hamutuk 64.191 eleitores, no total eleitor ne’ebe tuir eleisaun hamutuk 49.007 leitores, 15,184 leitores mak la tuir eleisaun.

Komisariu CNE, Terezinha Cardozo esplika, total eleitores ne’ebe mak la tuir eleisaun ne’e ho rajaun, udan no mota bo’ot ne’ebe la fo fatin, inan isin rua sira, katuas ferik no aleizadu sira ne’ebe labele lao ba sentru votasaun.

Iha parte seluk, Natureza iha tinan ne’e mos hetan hirus husi bani, realidade ne’e akontese iha sentru votasaun Suco Belulik Leten, Sub Distritu Fatumea, Distritu Covalima, Sabadu (17/03).

Husi akontesementu ne’e, Comisariu Comisaun Nasional da Eleisoens (CNE) Distritu Covalima, Silvestre Xavier Sufa katak, sentru votasaun tenki muda obrigatoriu tamba Bani tata eleitores sira, Sufa informa, husi nia parte lahatene bani sira ne’e mai husi ne’ebe.