Deputadu Opozisaun no Bloku AMP Kestiona Kondisaun Estradas No Fos MTCI Fahe Ba Povu Hodi Naran Partidu

 Notisia Husi TVTL
Segunda Kalan, 02 Abril 2012 

Deputadu Opozisaun no Bloku AMP Kestiona Kondisaun Estrada Kapital Dili  

“Fos MTCI Ne’ebe Fahe Ba Povu Hodi Naran Partidu”

Deputadus Parlamentu Nasional kontinua kestiona kondisaun estrada iha kapital Dili, inklui distritus, tamba fo difikuldade ba komunidade atu asesu ba transporte publika.

Lamentasaun hirak ne’e, hato’o husi deputadu Parlamentu Nasional Segunda-feira semana ne’e iha plenaria Parlamentu Nasional, relasiona ho lamentasaun husi komunidade kona ba kondisaun estrada iha kapital Dili no Distritus.

Deputadu David Dias Ximenes husi Opozisaun FRETILIN no deputadu Rui Menezes husi Bloku AMP (PD) husu ba Governu hodi esplika kona ba projeitu hadia estrada iha kapital Dili, ne’ebe konsidera hanesan projeitu emerjensia no kustu hira ba gasta projeitu hirak ne’e, tamba tuir sira projeitu balun la hatudu kualidade diak.

Iha Plenaria Parlamentu Nasional Segunda-feira ne’e mos, deputadus balun kontinua kestiaona kondisaun eskola ne’ebe falta saneamentu inklui fos marka MTCI ne’ebe fahe ba komunidade hodi naran partidu nian.