Bankada Opozisaun FRETILIN Louva La Sama

Image: the-diplomat.com

Jornal Timor Post
Tersa, 03 Abril 2012

Opozisaun Louva La Sama

Bankada Opozisaun FRETILIN iha Uma Fukun Parlamentu Nasional (PN), louva Prezidenti Parlamentu Nasional (PN) Fernando de Araujo La Sama, tanba hanesan foin sa’e ne’ebe hatudu ona ninia matoridade politika iha eleisaun prezidensial, maske la avansa ba segunda ronda.

“Hau hakarak fo parabens ba Prezidenti PN, tanba kontribui ona nia servisu ba nasaun ida ne’e, maski lakon, maibe nia manan buat boot ida, tanba mobilija nia militante partisipa iha vida demokrasia ho diak,” hateten Deputadu David Dias Ximenes, iha Plenaria PN, Segunda (02/04).

Deputadu Joaquim dos Santos mos hatutan, nia apresia La Sama tamba nia rasik observa kandidatu ne’e iha nia aktividade kampaña hodi fanu ema joven barak partisipa iha vida demokrasia.

“Hau hakarak fo’o parabens ba Prezidenti ne’ebe hanesan mos kandidatu ba Prezidenti RDTL, tanba hau nia observasaun durante iha kampaña, partidu ne’ebe mak ema joven barak liu, ba hau hanesan grupu joventude ida, politika nurak iha RDTL, hau kontenti ho militante PD nian komportamentu politika, tanba ne’e iha Timor-Leste presiza iha filosofia ida hanesan ne’e,” hateten deputadu AMP ne’e.