 |
| Image: easttimorlegal.blogspot.com |
Kuarta, 28 Marsu 2012
“Longuinhos Husu Labele Lori Rumoris”
Komando instituisaun rua, F-FDTL no PNTL, sei garante seguransa iha eleisaun mai, tamba ne’e Longuinhos Monteiro husu ba populasaun atu labele rona rumoris.
Longuinhos mos husu ba membru PNTL tomak atu hamate rumoris ne’ebe ema balun lansa iha komunidade nia le’et, ne’ebe lori instituisaun defeza no seguransa nian.
“Hau husu para ita hotu bele atentu no halo konsolidasaun interna hodi evita impaktu direta ou indereta ne’ebe bele afeta ba dignidade no onra instituisaun estadu nian,” dehan komodante jeral PNTL, Longuinhos, Tersa-feira (28/03) iha nia knar fatin.
Longuinhos Monteiro apela ba komunidade atu kaer metin komportamentu ne’ebe diak durante eleisaun segunda ronda.
Aliende ne’e, Xefe Estadu Maijor Jeneral, Lere Anan Timor, esplika katak, konstituisaun RDTL artigu 146 dehan F-FDTL nia kna’ar mak garante independensia nasional, integridade territorial nian, liberdade no populasaun nian, seguransa hasoru agresaun ruma ka ameasa externa, ho respeito ba orden konstitusional, F-FDTL labele iha partidu politiku no rona de’it ba orgaun soberania kompotente sira tuir lei inan.
No comments:
Post a Comment