 |
| Image: opatifundio.com |
Tersa Kalan, 17 Abril 2012
“Povu Ezizi Prezidenti Eleitu Tenki Kumpri Nia Promesas Ne’ebe Deklara Durante Iha Kampaña”
Hafoin partisipa iha prosesu eleisaun Prezidensial iha Segunda Volta, populasaun sira senti kontenti tamba situasaun iha rai laran kontinua iha paz no estabilidade nia laran.
Komunidade sira husu ba Prezidenti da Repúblika eleitu tenki kumpri promesa ne’ebe deklara durante kampaña Prezidensial atu labele sai deit hanesan instrumentu politiku hodi manan votus.
“Husu ba Prezidenti foun atu bele realiza nia promesa, sira nia promesa ne’e labele sai hanesan instrumentu politika ka uza ba kampaña deit,” dehan joventude.
“Tenki hare ba povu nia futuru, liu-liu Kandidatu Prezidenti nia promesa, buat ne’ebe nia promete tenki kumpri duni,” dehan populasaun.
Populasaun sira mos husu ba Prezidenti da Repúblika ne’ebe eleitu ba peiodu 2012-2017 sei tenki luta kontra korupsaun ne’ebe kontinua buras iha Timor-Leste.
“Labele naok povu nia osan, osan mina rai ne’e povu tomak nia osan, laos ema ida nia, nusa mak korupsaun ne’e iha bei-bein, solusaun mak, se mak halo sala nia ba kumarka, labele naok bei-beik povu nia osan,” deklara komunidade.
Populasaun sira mos husu ba Prezidenti eleitu atu fo tempo ba ema kbiit la’ek hodi hato’o sira nia aspirasaun kona ba difikuldade ne’ebe sira hasoru iha sira nia moris.
No comments:
Post a Comment