Vizita MNE Moçambique Mai TL Hasoru PR Ramos Horta Iha Rezidensia, Metiaut, Dili

Image: cbc.ca

Notisia Husi TVTL
Segunda Kalan, 09 Abril 2012

Vizita MNE Moçambique Mai TL

“PR Horta: MNE Moçambique Mai Observa Situasaun Hodi TL Partisipa Iha Inkontru Membro CPLP”

Ministru Negosiu Estranjeiru (MNE) no Kooperasaun Moçambique hala’o inkontru ho Prezidenti Repúblika hodi koalia kona bá partisipasaun Povu Timor-Leste iha inkontru internasional CPLP. Inkontru ne’e hanesan parte ida atu hametin relasaun Timor-Leste no Moçambique.

Vizita MNE no Koperasaun Moçambique, Dr. Oldemero Baloi, hanesan vizita dahuluk, enkontru hodi hala’o iha rezidensia Prezidenti Repúblika, Dr. Jose Ramos Horta, Metiaut, Dili, hodi deskute kona ba partisipasaun Timor-Leste iha filera internasional Komunidade Paizes Lian Portugues (CPLP), ne’ebe nasaun Moçambique maka sai Presidente CPLP, iha fulan Juñu.

“Tuir mai nia visita rai hotu-hotu CPLP, tamba fulan Juñu, Moçambique mak simu ona todan hanesan Presidenti CPLP nian, iha sorumutu ne’e nivel Xefe do Estado no Governu iha Moçambique, portantu nia mai para hare partisipasaun Timor-Leste nian, ita sei difisil oituan tamba ita nia Prezidenti foun e loron ne’e mos monu kedas iha semana ikus fulan juñu, signifika Prezidenti foun ne’e sei preokupadu los ho formasaun Governu ita nian, maibe Timor-Leste tenki partisipa, ita sei hare se mak atu ba reprejenta Timor-Leste mais alto nivel,” dehan PR Horta.

Durante iha nia vizita, tuir Oldemiro Baloi realiza mos akordu ida ho Ministru Negosiu Estranjeiru Timor-Leste hodi hametin koperasaun iha area edukasaun, treinamentu ba Polisia, seitor Justica no kontinua koperasaun iha area mina rai.