 |
| Image: flightsafrica.blogspot.com |
Tersa, 10 Abril 2012
Deskonfia Halo KKN
“KFP Suspende Funsionarius 2”
Komisaun Funsaun Publiku (KFP) foin lalais ne’e suspensa ona funsionarius Gabinete Primeiru Ministru (GPM) nain rua hanesan Diretor Jeral GPM Flavia de Jesus no nia asistenti Adriano Cunha Gomes tamba deskonfia halo KKN (Korupsaun Kolusaun no Nepotizmu).
Funsionarius nain rua ne’e hetan suspensaun preventiva hafoin KFP simu karta husi Ministeriu Públiku.
Karta ne’ebe mai husi Ministeriu Públiku fo bá KFP iha loron 19 de Marsu, depois bazeia ba karta ne’e KPF halo karta ba diretor jeral GPM Flavia de Jesus Sereno ho nia asistente Adriano Cunha Gomes ba hasoru prosesu justisa.
Antes ne’e, Tribunal Distrital Dili mos bolu ona funsionarius GPM nain 5 sai hanesan testamuña ba kazu korupsaun ne’ebe deskonfia hala’o husi Diretor Jeral Flavia.
Oras ne’e dadaun Adriano Cunha Gomes ne’ebe hanesan tezoreiru iha Gabinete Primeiru Ministru hetan troka husi Jose Asa nu’udar tozereiro foun ba GPM ninian hodi hala’o servisu.
Ba karta suspensaun ne’ebe KFP haruka ona ba funsionarius nain rua ne’e, Prezidenti KFP, Liborio Pereira, hateten, suspensaun ne’ebe halo ba funsionarius nain rua hanesan suspensaun preventiva, tanba sira nain rua hatende hela investigasaun prosesu iha Tribunal.
“Ami deside halo suspensaun preventiva, atu nune’e sira bele konsentra iha atendementu prosesu Tribunal ninian,” dehan Liborio ba Jornalista hafoin partisipa iha serimonia inagurasaun edifiu foun kuartel Jeral F-FDTL no Ministeriu Defesa iha fatuhada, foin lalais ne’e.
Nia mos esplika, iha prosesu Tribunal maka funsionariu nain rua livre no la-komete iregularidade hodi prejudika administrasaun publiku, sira iha direitu atu fila fali.
No comments:
Post a Comment