Notisia Husi TVTL
Kinta Kalan, 03 Maiu 2012
Bankada FRETILIN Konsidera CNRT Lá Konsistensia Bá Sira Nia Politika
“Pedro Martires: Se Ita Tama Korum PN, Buat Ne’ebe Ita Hakarak Sei Lá Hetan”
“Pedro Martires: Se Ita Tama Korum PN, Buat Ne’ebe Ita Hakarak Sei Lá Hetan”
Bankada FRETILIN konsidera bankada CNRT lá konsisten ho sira nia politika, kestaun ne’e hato’o husi deputadu FRETILIN Antonino Bianco, relasiona ho desizaun bankada CNRT ne’ebe sai husi plenaria, wainhira atu halo deskusaun no alterasaun ba artigus balun iha lei eleitoral.
Durante loron hat (4) ona debate ba muda lei eleitoral, bankada CNRT kontinua abandona Plenaria, rajaun sira hili opsaun ne’e, tamba sira lá konkorda ho revizaun bá lei eleitoral bá Parlamentu Nasional.
Hatan bá kestaun ne’e deputadu husi Bankada CNRT, Pedro Martires, dehan, hare ba politika CNRT sei konsistensia bá lei eleitoral ne’ebe mak iha í politika ne’e alternativu husi bankada CNRT hodi atinji objetivu, tamba tuir sira lei ne’e diak ona, sira mos hatutan, se lei ne’e diak ona mak sira tama bá debate iha plenaria mak iha votasaun lakon entaun buat ne’ebe sira hakarak sei lá atinji.
“Politika CNRT Konsistensia bá lei eleitoral ne’ebe mak iha hodi atinji objetivu, se ita tama iha korum, ita lakon, buat ne’ebe ita hakarak ne’e ita lá hetan,” dehan Pedro.
Hare ba situasaun refere Deputadu bankada FRETILIN, Francisco Branco, konsidera Deputadu bankada CNRT lá konsisten ho sira nia politika, tamba antes ne’e sira mos aseita atu submete diskusaun bá eleitoral.
Maske projeitu de lei ne’e, tau ona iha ajenda atu submete ba prosesu diskusaun, maibe to’o oras ne’e seidauk bele realiza, tamba ho audensia Deputadu bankada CNRT husik hela plenaria, ho nune’e lá bele priense korum.
No comments:
Post a Comment