 |
| Image: daviddareparker.photoshelter.com |
Kinta Kalan, 03 Maiu 2012
“CNRT Lá Konkorda Muda Lei Eleitoral No Konsidera Lei Ne’e Lá Difikulta Eleitor”
Deputadu Bankada CNRT lá konkorda atu halo revizaun lei eleitoral bá Eleisaun Parlamentar, tamba bá Partidu CNRT hare lei ne’e lá difikulta eleitores sira.
Bankada CNRT mos aprejenta ona sira nia rajaun ba Estadu no CNE, CNRT husu deit ba Estadu atu kria kondisoens ba komunidade atu labele lakon sira nia direitu iha eleisaun Parlamentar.
Kestaun ne’e hato’o husi deputadu bankada CNRT ne’ebe kompostu husi deputadu Aderito Hugo, Vicente Guterres no Pedro da Costa, Kinta-feira ne’e hala’o konferensia da imprensa iha sala Bankada CNRT, Parlamentu Nasional, hodi deklara pozisaun CNRT ne’ebe lá konkorda atu halo revizaun bá lei eleitoral.
Iha fatin hanesan deputadu Aderito Hugo hateten, bazeia ba audensia ne’ebe komisaun A Parlamentu Nasional halo ho parte CNE no STAE kona bá lei eleitoral husi parte bankada CNRT nia hare katak, lei ne’e diak i lá presiza atu halo revizaun, maibe presiza deit kria kondisaun atu nune’e eleitor sira labele lakon sira nia direitu hodi partisipa iha eleisaun Parlamentar.
Maske iha pron no kontra iha uma fukun Parlamentu Nasional kona ba lei eleitoral, maibe oras ne’e dadaun STAE fo ona oportunidade ba eleitores hotu atu muda sira nia kartaun eleitoral tuir sira nia hela fatin.
No comments:
Post a Comment