Deputadu AMP Kritika Governu Xanana Gusmao Halao Dezenvolvimentu Lá Umanu

Image: timorhauniandoben.blogspot.com

Jornal INDEPENDENTE
Segunda, 07 Maiu 2012

“Reabilitasaun Estrada Dili laiha Espasu Bá La’o Ain”

Rehabilitasaun Estrada Kapital Dili dirasaun tasi-ibun husi Embaxada Estadus Unidus Amerika (EUA) to’o Kampung Alor, lá fo espasu bá ema ne’ebe la’o ain, tanba laiha trotoar.

Joao Pedro, Juventude Aldeia 05, Suku Fatuhada, Sub Distritu Dom Aleixu, Dili, hateten, Governu fo atensaun liu oinsa kareta bele halai livre, maibe halu povu sira ne’ebe lao ain, tuir nia, dezenvolvimentu ne’e importante bá TL nudar nasaun foun, maibe benefisia bá ema balun deit, bá povu kiik sira halua tiha.

Nune’e mos, deputadu husi Bloku AMP iha Uma Fukun, Parlamentu Nasional, deputadu Adrianio do Nascimento mos preokupa, tanba reabilitasaun estrada ne’ebe laiha espoasu bá ema lao ain sira.

Tuir nia, dezenvolvimentu tenke iha umanu, atu fo mos fatin bá sira ne’ebe la’o ain, tamba maioria povu Timor-Leste sei lao ain.