 |
| Image: ehow.com |
Tersa Kalan, 04 Maiu 2012
Manifestante Iha Hotel Timor 84 Hetan Akuzasaun Husi MP
“Tribunal Distrital Dili Aplika Termus de Identidade Liu Husi Primeira Interogatoriu”
“Tribunal Distrital Dili Aplika Termus de Identidade Liu Husi Primeira Interogatoriu”
Tribunal Distrital Dili, aplika Termus de Identidade Rezidensia bá arguidu 84 ne’ebe envolve iha manifestasaun, iha Hotel Timor, iha komemorasaun Loron Mundial dos Trabailhadores.
Tribunal aplika Termus de Identidade Rezidensia bá arguidu, liu husi primeiru interogatoriu iha Kinta-feira kalan.
Hafoin liu husi prosesu investigasaun ne’ebe hala’o husi Polisia, bá manifestante ne’ebe hala’o krime, wainhira hala’o komemorasaun Loron Mundial bá Trabalhadores hodi estraga vidru Hotel Timor no asalta bá autoridade Polisia, Kinta-feira ne’e, hahu iha oras tuku 7:30 to’o tuku 1:00 kalan, Tribunal Distrital Dili hala’o primeiru interogatoriu bá arguidu sira, bazeia bá krime ne’ebe sira komete, liu husi akuzasaun Ministeriu Publiku nia Polisia Investigasaun Distritu Dili.
Iha Primeiru interogatoriu ne’e prezidi husi Juis internasional no Defensor Publiku, inklui husi parte Prekurador hodi aplika termus identidade rezidensia bá arguidu sira.
Hafoin prosesu primeiru interogatoriu Prokurador Domingos Bareto, hateten, termus ne’ebe aplika bá arguidu sira, ida ne’e prosesu sei kontinua hodi determina medida de kauzaun bá arguidu sira, tamba ne’e prosesu investigasaun sei kontinua hala’o hodi hatene autor bá kazu krimi ne’ebe hala’o husi arguidu sira.
Aliende ne’e husi parte Defensor Defeza, Wilson Domingas Pereira, hato’o katak, laiha evidensia ne’ebe forte husi parte Ministeriu Publiku hodi akuza nia kliente sira.
Hafoin rona tiha deklarasaun husi parte sira, Prokurador no Defensor Tribunal aplika Termus de Identidade Rezidensia bá arguidu sira. Oras ne’e arguidus sira hetan liberdade maibe Polisia no Prokurador sei buka nafatin evidensia ne’ebe forte hodi kondena ema ne’ebe sai autor bá kazu ne’ebe refere.
No comments:
Post a Comment