Governu Xanana Gusmao Asina Protokolu Kyotu, Selu Kada Tinan US$ 1 Millaun

Image: timorhauniandoben.blogspot.com

Jornal INDEPENDENTE
Segunda, 07 Maiu 2012

“Governu Asina Protokolu Kyotu, Selu Kada Tinan U$1 Milaun”

Governu obrigamente tenke selu U$1 milaun Dolar Amerikanu, kada tinan, bá organizasaun internasional kona-bá mudansa klimatika nian.

Timor-Leste iha dever seluk, tamba asina tiha ona protokulu Kyotu ho nasaun sira ne’ebe kontribui maka’as bá poluisaun.

Bá Kestaun ne’e, deputadu husi bankada CNRT, Aderito Hugo, hatete, ne’e failhansu Governu nian ne’ebe ho ambisaun ladun estuda klean antes asina tratadu ruma, maibe ho ansi deit.

Tuir nia, polusaun ka klimatika TL lá fo kontribuisaun hanesan nasaun bo’ot sira seluk ne’ebe mak nakonu ho industria maibe tamba saida mak Governu tenki asina kontratu ne’e.

Bá kestaun ne’e, Deputadu husi bankada FRETILIN, Inacio Moreira, hateten, desizaun ne’ebe Governu foti hodi asina ne’e tenki halo tuir, tanba lolos karik, kualker konvensaun iha ninia artigu, kada artigu ne’ebe regula regirozu , lo-lo’os ita tenki kuidadu no estuda didiak antes asina, se la’e ita rasik mak sai vitima bá kestaun ne’e.