PD Sei Koliga Depois Eleisaun Parlamentar

Image: odanmatan.blogspot.com

Jornal Timor Post
Kuarta, 02 Maiu 2012

“PD Buka Koligasaun Depois Eleisaun Parlamentar”

Partidu Demokratiku (PD) sei lá halo koligasaun antes eleisaun Parlamentar, maibe sei halo koligasaun hafoin rejultadu eleisaun Parlamentar.

Nia hatutan, mas se karik lá manan mutlak mos PD sei halo koligasaun ho partidu ruma, mas ida ne’e depois de eleisaun, tanba PD hakarak sukat nia forsa rasik.

“Ami fiar katak laiha partidu ida mak bele manan mutlak iha eleisaun Parlamentar,” lia hirak ne’e hato’o husi sekretariu Jeral interinu, Samuel Mendonça, ba imprensa nasional sira, wainhira hala’o konsolidasaun PD, Domingu (29/05) foin lalais iha Comoro, Aldeia 12 de Outubru no Golgota.

Bá militantes no simpatizantes sira, Samuel husu atu kaer metin kultura no tradisaun PD nian, hodi bele respeita partidu sira seluk ne’ebe tama iha aldeia refere, tanba maske diferenti partidu politiku maibe povu iha aldeia ka suku ne’e, ida dei, mesak Timor oan.