Eleisaun PR Periodu 2012-2017 “Lu-Olo Manan Distritu 4, Taur 3, Horta 2, Lasama 4”

Jornal INDEPENDENTE
Tersa, 20 Marsu 2012


Rejultadu Provizoriu ba eleisaun Prezidensial hatudu katak, kandidatu prezidenti Republika (PR) Francisco Guterres “Lu-Olo” hetan pluralidade iha Distritu 4, Kandidatu Taur Matan Ruak iha Distritu 3, Kandidatu PR Hota hetan Pluralidade iha Distritu 2, no Fernando de Araujo Lasama iha Distritu 4.


Tuir rejultadu provizoriu ne’ebe Sekretariu Tekniku Administrasaun Eleitoral (STAE) publika liu husi kanal TVTL hatudu katak, kandidatu nain 4 ne’e soe do’ok kandidatu nain 8 seluk.


Kandidatu numeru 3, “Lu-Olo”, ne’ebe sai primeiru lugar ho total votus 128.266 ka 28,48% konsege hetan pluralidade iha Distritu Baucau ho Votus 20.876 (58,98%), Lautem ho Votus 12.052 (42,69%), Manufahi ho votus 6.152 (27,50%), no Vikeke ho votus 21,371 (48,74%).


Kandidatu numeru 2 Taur matan Ruak iha segundu lugar ho votus 113.553 ka 25,18%, konsege hetan pluralidade iha Distritu Dili ho Votus 27.697 (31,68%), Distritu Manatutu ho votus 7.026 (34,83%), no Oecuse ho votus 6.380 (22,93%).


Kandidatu numeru 8 Horta iha terseiru lugar ho votus, 80.291 ka 17,81%, konsege hetan pluralidade iha Distritu Aileu ho votus 6.818 (35,96), no Distritu Ermera ho votus 16,617 (36,15%).


Kandidatu numeru 13 Lasama iha kuartu lugar ho total votus 79.653 ka 17,67%, konsege hetan pluralidade iha Distritu Ainaro ho votus 9.637 (39,18%), Distritu Bobonaro ho votus 10.215 (25,13%), Distritu Covalima ho Votus 7.651 (28,32%), no Likisa ho votus 7.649 (26,89%).


Kandidatu nain 8 sira seluk lakonsege hetan pluralidade iha distritu ruma, kandidatu numeru 5 Rogerio Lobato husi total votus husi distritu 13 konsege hetan votus 16.090 ka 3,56%, kandidatu numeru 10 Jose Luis Guterres hetan votus 9,053 ka 2,01%, kandidatu numeru 1 Manuel Tilman hetan votus, 7,080% ka 1,80%, kandidatu numeru 11 Abilio Araujo hetan votus 6.139 ka 1,36%, kandidatu numeru 12 Lucas da Costa hetan votus 3.826 ka 0,85%, kandidatu numeru 9, Francisco Gomes hetan votus 3,505 ka 0,78%, kandidatu numeru 6 Maria do Ceu hetan votus, 1.820 ka 0,40%, no ikus liu kandidatu numeru 7 Angela Pires hetan votus 1.219 ka 0,38%.