Kona-Ba Siguransa Husi F-FDTL Ba Taur - “Taur: Husu ba Maijen Lere”

Image: Buletim TMR

Jornal Timor Post  
Sabadu, 10 Marsu 2012

 

Kona-Ba Siguransa Husi F-FDTL Ba Taur  

“Taur: Husu ba Maijen Lere”

 
Kandidatu Prezidenti Republika, Taur matan Ruak rezeita akuzasaun katak, nia husu F-FDTL atu tau seguransa metin durante kampania eleisaun Prezidensial.

“Diak liu husu ba xefe Forsa Armadas F-FDTL, Major jeneral Lere Anan Timur atu hetan klarifikasaun liu tan,” deklarasaun ne’e hato’o husi ekipa susesu ne’ebe Dairio Timor Post simu, Sesta (09/03), liu husi Email mediacoordinator@tmr2012.org.

“Ekipa da Vitoria Taur Matan Ruak aviza katak, informasaun ida ne’e la loos,” hakerek iha email ne’e.

kona-ba observasaun publiku, relasiona ho foto Taur Matan Ruak iha boletin de Votus hatais fali farda militar, ekipa Vitoria esplika, foto ne’e simu no hetan ona aprovasaun husi Tribunal Supremu ba justica no autoridade eleitor CNE no STAE.

Ekipa ne’e mos esklarese, kandidatu Prezidenti Republika Independente, Taur Matan Ruak rejigna an ona husi ninia postu militar tinan kotuk.

“Oras ne’e matan Ruak sidadaun baibain, ne’ebe tama ba moris politika,” ekipa deklara tan.