Uniaun Europeia (UE) La-Observa Eleisaun Prezidensial

Image: economiafinanzas.com

Jornal Timor Post  
Sabadu, 10 Marsu 2012

UE La Observa Eleisaun Prezidensial

Eleisaun Prezidensial ne’ebe hala’o iha 17 Marsu 2012, Uniaun Europeia (EU) sei la haruka observador atu halo observasaun.

Frank Olivier nu’udar Xefe delegasaun husi misaun Exploratoriu husi Uniaun Europeia (UE) hateten katak,  organizasaun europeia nian sei la haruka observasaun ba eleisaun Prezidensial ne’ebe Timor-leste sei hala’o iha loron 17 Marsu tinan 2012 ne’e.

“Bainhira eleisaun Parlamentar maka ami hola parte, tanba ho razaun oioin maka ami deside atu hola parte deit iha eleisaun parlamentar, hanesan saida maka ami halo iha tinan 2007,” Xefe delegasaun Unieun Europeia hateten ba jornalista sira iha Dili, foin lalais ne’e, wainhira sorumutu ho Prezidenti republika Timor-Leste, Jose Manuel Ramos Horta.

Durante misaun Exploratoria Eleitoral husi Uniaun Europeia nian, iha Timor-Leste, sira sei halo analiza kona-ba kondisaun nesesariu husi parte seguransa no lojistika, presija atu haruka observador eleitoral hirak ne’e mai, iha loron 17 marsu 2012, agora Timor-Leste sei hala’o eleisaun prezidensial.

Eleisaun lejislativa nian, sei hala’o duni iha fulan Junu, maske seidauk fo sai ofisialmente kona-ba loron atu hala’o eleisaun refere.

Entertantu, Prezidenti Uniaun Europeia (EU), Durao Baroso, deside kansela vijita mai Timor Leste hodi partisipa dereitamente aniversariu Restaurasaun Independensia Timor-Leste ba dala X, iha loron fulan maiu tinan 2012 ne’e.