Longuinhos Monteiro: Polisia Koloka Antes Iha Sentru Votasaun

easttimorlegal.blogspot.com

Jornal Timor Post 
Kuarta-feira, 07 Marsu 2012

 

Longuinhos Monteiro: Polisia Koloka Antes Iha Sentru Votasaun

Tuir Planu, Komando Polisia Nasional Timor-Leste (PNTL) sei koloka antes votasaun iha teritoriu laran tomak, atu nune’e bele mantein seguransa no garante Paz no Estabilidade iha fatin-fatin.

“Wainhira material sensitivus sira ba eleisaun nian to’o ona iha sentru votasaun, maka ami mos koloka ona ami nia membru sira,” Informa komando jeral PNTL, Komisariu Longuinhos Monteiroo ba Timor Post iha nia servisu fatin, kaikoli, Tersa-feira (06/03/2012).

Nia hatutan, komando mos prepara tiha ona membrus rejerva atu nune’e bele antisipa situasaun ba fatin hotu-hotu.

Longuinhos mos hateten, nia parte preokupa tebes ho kondisaun estrada ne’ebe iha sentru votasaun balun grave tebe-tebes, nune’e bele difikulta polisia nia aktividades.

Iha oportunidade ne’e mos, Longuinhos husu ba populasaun tomak atu kontribui ba estabilidade nasional, hanesan mos ajuda servisu polisia kmaan nian.

“Agora komando hola ona alternativu atu hein akizasoens ba asaun kombate ne’e atraza oituan ne’ebe hola ona alternativu uza deit maka fos MTCI nian para atu asegura temporariamente ba membru sira ne’ebe mak konsentra iha sentru votasaun,” hateten Longuinhos.