Eis Militar Fo Apoiu Ba Taur Matan Ruak

Image: Philip Blenkinsop

Notisia Husi TVTL
Tersa Kalan, 27 Fevereiru 2012

Eis Militar Fo Apoiu Ba Taur Matan Ruak

“Taur Matan Ruak: Hau Mesak Ema Tau Ibun Ba Hau, Ita Hamutuk, Iha Timor Ema Sei La Tau Ibun”

Eis Militar (Petisionariu) 500 resin fo apoiu ba kandidatu Prezidenti Taur Matan Ruak, kandidatu Prezidenti da Republika Taur matan Ruak iha komitmentu hodi servisu hamutuk ho eis militar hirak ne’e hato’o iha Sede ekipa susesu Taibesi Taur Matan Ruak iha Tersa-Feira (27/03) hodi deklara fo apoiu ba Taur Matan Ruak.

Porta Vos Eis militar Marcos Tilman deklara katak, apoiu ne’ebe sira fob a Taur Matan Ruak tamba kandidatu ne’e hanesan kandidatu independente no hakuak ema hotu.

Iha oportunidade ne’e, kandidatu Taur Matan Ruak mos hato’o lia menon ba eis militar sira, hodi enkoraza sira atu unido hamutuk.

“Halo nusa mak familia bot ida ne’e bele halibur malu, hau mesak ema tau ibun bah au, imi mesak ema tau ibun ba imi, ita hamutuk, iha Timor laiha ema ida tau ibun ba ita, tamba ne’e, ohin simu deklarasaun imi nian, ne’ebe fo imi nia konfiansa tomak hodi apoia hau nia kandidatura, hau nia promesa ida de’it, hau sei halo buat hotu para ke imi nia konfiansa la bele monu ba rai,” dehan Taur Matan Ruak.

Taur Matan Ruak mos agradese ba apopiante no simpazitante sira ne’ebe iha primeira ronda ho laran tomak fo apoia ba nia, nia husu atu apoiante sira forsa nafatin hodi mantein ba segunda volta ne’ebe sei hala’o iha loron 16 fulan ida ne’e.