Jornal INDEPENDENTE
Tersa, 27 Marsu 2012
Eleisaun Prezidensial Primeira ronda remata ona, maibe Polisia Nasíonal Timor-Leste (PNTL), seidauk bele tu’ur hakmatek, tanba, dezafiu bo’ot ba seguransa eleisaun segunda ronda ne’ebe hein hela.
Atu realiza fali susesu seguransa iha eleisaun premeira ronda, PNTL prepara ona atu koloka personal hamutuk 2.582 hodi asegura nafatin atu eleisaun lao ho harmonia.
Komando Operasaun Nasional, Armando Monteiro hateten, rejultadu eleisaun durante primeira ronda hatudu ba povu no mundo internasional katak, servisu PNTL no F-FDTL masimu ona hodi fo seguransa ba nia povu rasik iha rai laran.
Maski iha eleisaun dahuluk lao hakmatek, maibe PNTL sei aumenta volume seguransa ba eleisaun segunda ronda.
Iha primeiru eleisaun monta personal 1.875, maibe iha segunda ronda sei aumenta tan personal 707 hodi aperta seguransa, ne’e duni, PNTL laiha duvida ba seguransa iha eleisaun Prezidenti ba segunda ronda.
No comments:
Post a Comment