Komandu PNTL Aperta Seguransa Iha Distritu Baucau no Viqueque

Image: easttimorlegal.blogspot.com

Jornal INDEPENDENTE
Tersa, 03 Abril 2012

Baucau-Viqueque Risku Mosu Violensia

“Komandu PNTL Aperta Seguransa”

Konado Jeral Polisia nasional Timor Leste (PNTL) deside atu aumenta volume seguransa iha Distritu Baucau no Viqueque ba segunda Ronda eleisaun Prezidensial, tanba husi estatistika durante eleisaun primeira ronda, distritu rua ne’e sensivel mosu violensia.

Komando Operasaun Nasional, Supertendente Xefe Armando Monteiro hatete, Unidade Espesial sei aperta seguramnsa hodi fo apoiu ba Distritu Baucau no Viqueque, tanba fatin rua ne’e risku mosu violensia iha tempu pre-eleisaun no eleisaun.

“Hasai ona orden eskrita hodi dezloka ba Viqueque no Baucau,” tenik nia, iha lansamentu balansu eleisaun primeira ronda iha edifisiu STAE Nasional, Kaikoli, Dili horsehik.

Ba kestaun ne’e PNTL mos prepara ona personalidade ba sentru votasaun 630 ho estasaun votu 850 ne’ebe mak sei involve direita komado husi Distritu 13 hamutuk 1.873 no mos apoiu husi komando jeral hamutuk 190.

Ba seguransa eleisaun segunda ronda, PNTL sei hetan apoiu husi United Nation Police (UNPOL) no Polisia Unidade Espesial.

Iha fatin hanesan, Komisariu UNPOL Supertendenti Xefe Luis Carilho hateten, UNPOL Prontu hodi apoiu nafatin seguransa ba eleisaun prezidensial segunda volta ne’ebe sei hala’o iha loron 16 Abril 2012.