Komemorasaun Loron PNTL Ba Dala-12

Image: presidenttimorleste.tl

Notisia Husi TVTL
Tersa Kalan, 27 Fevereiru 2012

Komemorasaun Loron PNTL Ba Dala 12
“PR Horta Husu F-FDTL no PNTL Labele Inklina Ba Partidu Politiku”

Prezidenti da Repúblika, Jose Ramos Horta, husu ba PNTL no F-FDTL atu neutro no labele inklina ba Partidus Politikus. Asuntu ne’e hato’o iha serimonia Komemorasaun Aniversario PNTL ba dala 12.

Loron 27, fulan Marsu, hanesan loron importante ba instituisaun PNTL ne’ebe hahu hamrik ho nia misaun ne’ebe firme atu garante seguransa ba Povu iha rai laran.

Tamba ne’e, ba komemorasaun loron PNTL ba dala-12 ne’e, Prezidenti da Repúblika, Jose Ramos Horta, husu ba PNTL no F-FDTL atu hatudu komportamentu ne’ebe diak no labele inklina ba Partidu Politikus hodi halakon konfiansa povu nian ba instituisaun rua ne’e.

“Husu atu instituisaun rua (F-FDTL no PNTL) atu neutral hodi tane povu no nasaun, imi nia kna’ar mak fo seguransa ba povu atu garante eleisaun segunda volta ne’e ho diak,” dehan PR Horta.

Iha oportunidade ne’e mos, komisariu PNTL, Longuinhos Monteiro, apelu ba polisia atu kumpri lolos sira nia dever hodi serve nasaun no povu ida ne’e.