Jornal Timor Post
Tersa, 24 Abril 2012
“Parpol Hatama Aliadu”
Prezidenti Comisaun Nacional Eleisaun (CNE), Faustino Cardoso husu ba PARPOL (Partidu Politiku) atu hatam ona sira nia aliadu, molok eleisaun parlamentar ne’ebe monu iha 7 de Julhu 2012.
“Ami fo hanoin ba partidu politiku ne’ebe maka hakarak halo koligasaun, aliansa no bloku ne’e, hare prepara a’an ona tanba prazu to’o 1 Maiu remata ona,” Faustinho dehan ba jornalista sira iha edifisiu Tribunal Rekursu, Caivoli, Dili, segunda (23/04).
Nia informa, loron 2 Maiu ba leten, CNE lá simu ona koligasaun tamba tuir lei dehan, loron rua nolu (20) konta husi loron dekretu Prezidenti kona ba loron eleisaun nian publiku sai Jornal Repúblika ne’ebe publika iha 11 Abril liu bá.
Faustinho informa, to’o ohin loron CNE seidauk simu lista husi partidu politiku sira kona bá koligasaun.
“CNE prepara ona formularius atu fahe bá partidus politikus no koligasaun partidaria sira hodi bele priense no aprezenta ba CNE prepara tiha ona atu fahe,” nia hatutan.
No comments:
Post a Comment