PN Konsidera FRETILIN No Lú-Olo Sai Izemplu Ba Mundu Tomak Iha Estabilidade No Pas

Jornal INDEPENDENTE
Tersa, 24 Abril 2012

“Maturidade Lú-Olo Izemplu Ba Mundu”

Parlamentu Nasional (PN) konsidera partidu FRETILIN no Kandidatu Prezidenti Francisco Guterres "Lú-Olo" iha matoridade no sei sai hanesan ezemplu diak ba mundu tomak ne’ebe kontribui maka’as ba estabilidade no pas.

“Maun bo’ot "Lú-Olo" hatudu nia izemplu diak ba mundu tomak, ita hatene eleisaun foin lalais laiha violensia ida akontese, Lú-Olo iha maturidade ne’ebe diak,” deklara Vise Prezidenti Parlamentu Nasional, Vicente Guterres segunda (13/03) iha Parlamentu Nasional.

Nune’e mos husi Bancada Parlamentar sira kongratula Taur Matan Ruak eleitu sai Prezidenti da Republika no Lú-Olo ne’ebe simu rejultadu ho konsensia maka’as.

Iha parte seluk, tersa (24/04) estudante finalista husi Universidade Nasional Timor Lorosa’e (UNTL) kuaze hamutuk ema nain 188, husi fakuldade 5 sei hetan graduasaun.

Husi fakuldade 5 ne’e, inklui Prezidenti FRETILIN Francisco Guterres "Lú-Olo" sei hetan mos graduasaun iha fakuldade direitu.

Ba kestaun ne’e, Reitor UNTL Aurelio informa katak, iha tinan ida ne’e UNTL kontinua produs ema matenek hodi serve rai ne’e.

Nia dehan, iha graduasaun ne’e lider importante balun hanesan "Lú-Olo", David Dias Ximenes husi Fakuldade Direitu no diretor balun tan mos hetan graduasaun.

Nia hatutan, graduadu balun sei simu diploma D-III, S1 no S2.