Hospital Estadu Tama Deve Kombustivel

Jornal INDEPENDENTE
Tersa, 24 Abril 2012

Hospital Balun Deve Kombustivel
“Deputada AMP Bolu Atensaun MS Intervein”

Deputadu Tereza de Carvalho husi Bancada PD bolu atensaun ba Minitru Saude atu intervein rejolve krize kombustivel iha hospital Distritu Manufahi.

“Iha fulan barak ona hospital deve kombustivel husi kompañia privadu,” Tereza kritika Ministeriu Saude atu labele defende aa’n iha publiku enkuantu realidade akontese iha baze.

“Ministru sira labele gosta defende a’an, problema barak akontese mais sira dehan, la’e, bosok hotu de’it, ne’e ladiak,” lamenta Deputadu PD ne’e.

“Hospital bo’ot iha Dili de’it, kama sira laiha, kondisaun aimoruk laiha, Ministru sira dehan iha hela deit, diak hela deit, ne’e ita bosok povu!” deklara deputada PD ne’e ho lian maka’as.

Ba kestaun ne’e, Xefe Departementu Farmacia Ministeriu Saude, Antonio Ximenes rekoinese, Hospital Nacional Guido Valadares (HNGV) oras ne’e falta aimoruk hamutuk item 9.