 |
| Image: estatal.gov.tl |
Tersa, 24 Abril 2012
“PN Suspende MAEOT Arcangelo Leite Hodi Ba Hatan Iha Tribunal”
Parlamentu Nasional (PN) suspende ona Ministru Administrasaun Estatal no Ordenamentu Teritorial (MAEOT), Arcangelo Leite hodi bele ba hatan nia kazu iha Tribunal.
Iha tinan kotuk, Tribunal Distrital Baucau haruka karta ida ba PN atu hasai karta suspensaun ba MAEOT hodi bele hatan iha Tribunal tuir akuzasaun husi Ministeriu Publiku.
Ho ida ne’e, horsehik, Seguda (23/04) prezensa Deputadu hamutuk 44 ne’e konsege halo votasaun sekreta hodi hasai karta suspensaun ba membru Governu ne’e ho favor 42 kontra 1 no abstensaun 1.
Prezidenti PN Fernando Lasama de Araujo hatete, tuir karta rejolusaun ne’ebe mak iha MAEOT Arcangelo Leite sei suspende hahu husi data julgamentu to’o rejultadu final.
La Sama dehan, PN presija foti pozisaun ida ne’e atu kolabora diak liu tan ho Tribunal hodi hala’o knaar tuir lei haruka.
Ministru Arcangelo sei ba hatan iha Tribunal Regional Baucau, maibe data ba julgamentu, Lasama lá hateten sai.
No comments:
Post a Comment