Jornal INDEPENDENTE
Segunda, 12 Marsu 2012
Xanana Ho Taur Lidera Funu,
“Lu-Olo Mak Sei Fo Dignidade”
“Lu-Olo Mak Sei Fo Dignidade”
Prezidenti Partidu Congresu Nasional Rekonstrusaun de Timorense (CNRT), Kay Rala Xanana Gusmao hahu hala’o kampaña hamutuk ho kandidatu Taur Matan Ruak, Sabadu, iha kampo Demokrasia, Dili.
Iha kampaña ne’e, Taur konfesa katak komodante FALINTIL Kay Rala Xanana Gusmao ho nia (Taur), nu’udar Vise, mak lidera funu durante tinan 24 nia laran to’o remata.
Ba kestaun ne’e, Kandidatu Prezidenti Republika Francisco Guterres “Lú-Olo” informa, sei fo dignidade ba funu nain sira, wainhira povu konfia nia sai Prezidenti ba periodu 2012-2017.
Kandidatu Francisco Guterres “Lú-Olo” promete, se wainhira povu fiar, nia sei fo dignidade ba luta nain tomak.
Lú-Olo deklara kestaun ne’e, ba ninia militantes kuaze rihun lima resin iha Koni Tasi Ibun Distritu Likisa, wainhira hala’o kampania komprimisiu iha Distritu refere.
Atu sai Prezidenti tenki liu husi vontade povu tomak nian, tanba konfiansa husi povu tomak sei deside, se mak merese atu sai kandidatu Prezidenti Republika ba povu tomak nian.
“Durante ami iha ai laran ho maluk sira seluk komanda funu to’o remata, maibe funu ida iha ai laran mai husi Frente Armada, funu ida iha vila laran mos inklui hotu, funu ida mos mai husi Frente diplomata katak mai husi Frente Politika Interna,” tenik Lú-Olo.
No comments:
Post a Comment