Thursday, March 15, 2012

Taur Matan Ruak: Joven Feto Ka Mane Sei Tama Militar Obrigatoriu

Image: tempo-semanal.com
Jornal INDEPENDENTE
Segunda, 12 Marsu 2012


 
“Taur Matan Ruak: Joven Feto Ka Mane Sei Tama Militar Obrigatoriu”



Eis Xefe Estadu Major F-FDTL, Taur Matan Ruak promete, atu aplika sistema militar obrigatoriu, bainhira eleisaun hodi fo fiar sai nu’udar Xefe Estadu ba periode (2012-2017).


Tuir kandidatu numeru 2 ne’e, Juventude maka forsa ne’ebe boot iha nasaun ne’e, ne’e duni, importante tau matan ba joventude sira, tanba joventude mak sai forsa nasaun nian hodi nasaun sai forte, Joventude fraku nasaun namlele.


“Servisu militar tenke obrigatoriu, feto ka mane kompleta ona tinan 18 tenke ba tropa, ne’e hau nia kumprimisiu iha ponto 5, tau matan ba joventude,” dehan taur bainhira hala’o Kampaña iha Baucau foin lalais ne’e.


Taur matan Ruak hateten, iha tinan 2007-2008, bainhira sei assume Xefe Estadu Major F-FDTL, nia hatama proposta ba Parlamentu Nasional no Governu hodi aprova politika ne’e, maibe orgaun soberania rua ne’e la konkorda.

No comments: