Notisia Husi TVTL
Tersa Kalan, 17 Abril 2012
Prosesu Eleisaun PR Ba Segunda Volta
“Eleitores 160.000 Mak La Partisipa Iha Prosesu Eleisaun Tamba Influensia Husi Rumoris”
Eleitores 160.000 (Rihun atus ida, nen nolu) iha teritoriu Timor-Leste la-partisipa eleisaun Prezidensial iha segunda volta. Numeru eleitores menus tamba eleitores sira nia kandidatu la-avansa ba iha segunda volta.
Rejultadu ba eleisaun Prezidensial ba segunda volta ne’ebe foin hala’o, la-dun hetan partisipasaun masimu husi eleitores sira, tuir dadus ne’ebe STAE hatudu, eleitores ne’ebe la partisipa iha primeira volta hamutuk 105.000 (rihun atus ida lima) no segunda volta 160.000 (Rihun atus ida, nen nolu).
“Presentazen ba votantes sira, iha primeira ronda 105.000 mak la-partisipa maibe iha segunda volta 160.000 mak la-partisipa, liu-liu iha kapital Dili” deklara Thomas Cabral.
Tuir Prezidenti Comisaun Nasional de Eleisoens (CNE), katak, partisipasaun eleitores iha eleisaun Prezidensial ba segunda volta minimu tamba impaktu husi rumoris ne’ebe mosu iha rai-laran, inklui falta de transporte ba estudante ba vota iha distritus.
“Despozisaun politika husi eleitores sira nian, tamba sira nia kandidatu la-liu ba segunda volta, liu-liu mos fator estudante sira tamba la-iha transporte hodi ba iha distritu,” dehan Faustinho Cardozo.
Hahu Tersa-feira ne’e, akta apuramentu distrital, STAE haruka ona ba iha CNE hodi halo apuramentu Nasional hodi halo analiza ba reklamasoens husi parte kandidatu atu bele konsidera ba numeru validu.
Hafoin prosesu apuramentu, CNE sei hato’o rejultadu ikus ba Tribunal de Rekursu hodi anunsia kandidatu nain 2 ne’ebe eleitu ba Prezidenti da Repúblika.
No comments:
Post a Comment