FRETILIN Sei Forte Iha Eleisaun Legislativa 2012

Jornal Timor Post
Kinta, 19 Abril 2012

“Mari Alkatiri: FRETILIN Sei Forte Iha Eleisaun Parlamentar 2012”

Sekretariu Jeral Partidu FRETILIN, Mari Alkatiri, deklara katak, partidu FRETILIN sei forte iha eleisaun Parlamentar Julhu 2012, tanba tuir nia, votantes ne’ebe iha eleisaun segunda volta prezidensial ne’e sei fila hotu ba FRETILIN.

Deklarasaun Sekjer FRETILIN Mari Alkatiri ne’e transmiti husi Radio Maubere, iha Dili, Kuarta (18/04) ne’e, Alkatiri mos hatutan, ema barak ne’ebe lá vota iha eleisaun Prezidensial sei fila hamutuk ho FRETILIN iha eleisaun Parlamentar tuir mai.

Kona-ba lá manan iha eleisaun Prezidensial, Mari Alkatiri dehan, tanba ema barak lá vota no transporte mak difikulta votante sira ba vota iha Distritus 13.

“Ema barak tauk ba vota, tanba iha ameasa atu ba sunu uma, ita ba vota, sai fali vitima ba a’an rasik, entaun militante sira deside, diak liu hela iha uma hodi asegura risku, maske ki’ik,” dehan Alkatiri.

Ema balun kritika, katak, FRETILIN lakon eleisaun tanba lideransa mak lá diak, Ita bele dehan manan ita hotu manan, lakon ita hotu lakon, laos ita manan, dehan tanba militante mak ba vota, depois lakon dehan lideransa mak lá diak, lideransa, hau ho Lú-Olo, bainhira ba vota, lori votu ida de’it, labele lori votus ba ema barak, entaun ne’e mak sentidu demokrasia, ba FRETILIN maske lakon maibe sei hakarak mak hametin pas no estabilidade.