Fulan Agostu 2012 Komando PNTL Sei Rekruta 261 Membrus

Image: easttimorlegal.blogspot.com

 Jornal Timor Post
Segunda, 23 Abril 2012

“Agostu, PNTL Rekruta Tan Membrus 261”

Tuir planu, iha fulan Agostu tinan ne’e, Komando Polisia Nasional Timor-Leste (PNTL), sei rekruta tan membrus hamutuk 261, atu nune’e reforsa tan seguransa iha rai laran.

Planu rekrutamentu ne’e ba segunda faze, hafoin primeira faze komando rekruta ona membrus 250, ne’ebe oras ne’e dadauk halao hela formasaun durante fulan ne’en iha Sentru Formasaun Polisia (SFP), Komoro, Dili.

“Iha fulan Agostu no Setembru nia laran sira sei tuir teste saude no cek dokumentus, depois maka sei tama hodi tuir treinamentu baziku,” informa segundu komodante PNTL, Afonsu de Jesus, ba Jornalista sira foin lalais ne’e iha SFP.

Nia hateten, membrus ne’ebe sei rekruta sei koloka ba Distritu ida-idak iha teritoriu.

“Ami desde inisiu rekruta, koalia ona ba sira katak, sei koloka ba iha teritoriu laran tomak, dala ruma mos fila ba sira nia distritu ida-idak no dala ruma mos bele ba halo fali kna’ar iha distritu seluk,” dehan afonso.