 |
Segunda Kalan, 02 Abril 2012
Kampaña Kandidatu PR Iha Segunda Volta
“Taur: Ukun An Ita Manan Ona, Agora Ita Hamutuk Ba Moris Diak”
Timor-Leste sei sai ida de’it, serviso maka’as atu sai husi kiak no mukit, hametin independensia ekonomia no estabilidade iha rai laran, kombate korupsaun, sai programa perioridade wainhira eleitu ba Prezidenti da Repúblika.
Kandidatu Prezidenti da Republika Taur Matan Ruak hato’o asuntu ne’e, wainhira hala’o nia Kampaña ba dala rua iha Suku Leo-hitu sub-Distritu Balibo Distritu Bobonaro.
Kandidatu Prezidenti da Republika Taur matan Ruak hateten wainhira eleitu sai Prezidenti da Republika sei aida ekonomia hodi sai husi mukit no kiak nia laran, povu tenki senti benefisiu husi ukun rasik an.
“Atu halibur Timor oan hotu, hamutuk sai ema ida de’it, atu lori Timor ba oin hodi ita manan tan dala ida, tamba ukun an ita manan tiha ona, agora hamutuk atu manan moris diak, ba ida ne’e ita tenki serviso maka’as, ita tenki hamutuk,” deklara Taur Matan Ruak iha nia kampaña.
Kandidatu Taur Matan Ruak mos hateten, wainhira povu fo fiar ba nia, prioridade ne’ebe presiza tau atensaun mak, hametin independensia, estabilidade rai laran, kombate korupsaun nune’e Timor-Leste bele metin ba nafatin.
“Hau nia hanoin iha buat 5 mak liga ba ita nia nasaun, liga ba Timor Lorosa’e;
1. Hametin ita nia Independensia
2. Hametin ita nia soberania
3. Hametin ita nia ekonomia
4. Hametin ita nia unidade
5. Hametin ita nia relasaun ho mundo liu-liu nasaun sira ne’ebe besik ita, ita nia vizinu, hanesan Indonesia no Australia,” deklara Taur Matan Ruak.
Programa ne’ebe presiza hadia maka, Vida moris veteranus, Joventude, orsamentu ba terseira idade ka ferik katuas, defende dereitu feto no labarik, lei ba rai, lei pensaun vitalisia, nune’e Timor-Leste labele dependente ekonomia ba rai liur.
No comments:
Post a Comment