 |
| Image: www.odanmatan.blogspot.com |
“Kareta Estadu Tula Pasazeiru Selu US$ 8”
Kareta Estadu ho numero matrikula 02.288G, iha loron feriadu, kinta (5/4), tula pasazeirus husi Dili to’o distritu Lautem, selu osan US$8 dollar Amerikanu.
Kareta Estadu ho modelu Pickup kor azul tenki tula pasazeiru, tanba komunidade susar hetan transporte publiku atu ba selebra festa Paskua iha ida-idak nia distritu.
Ho difikuldade ne’e, kareta Estadu mosu iha Lecidere (hein kareta fatin), kinta (5/04), maiz-ou-menus tuku 1 lokraik, halo kedas negosiasaun ho pasazeirus sira atu tula ba distritu Lautem.
Kondutor ne’e tun no hakbesik ba pasazeirsu sira katak, nia atu ba Lospalos no hakarak atu tula maibe ho kondisaun ida katak, ema ida tenki selu osan ho valor US$8 no kada labarik ki’ik ne’ebe akompaña nia inan aman kada ema ida selu dollar ida.
“Ne’e la’os dehan atu selu hau, ne’e atu sosa mina, ita mak kompriende malu deit, nain 10 deit, labele liu ida ne’e,” dehan kundutor ne’e.
“Lo’os ona, nain 10 ona, seluk hau labele simu, ne’e ita ajuda malu deit, imi hein iha ne’e hau ba ense mina mak mai tula imi,” kondutor ne’e promete.
Iha dadalia ho Jornal, estudante UNTL, Adensia, ne’ebe fo ona osan ba kondutor ba ense mina dehan, nia aseita atu sae kareta ne’e, tamba kareta seluk laiha ona.
Sae Bus ne’e diak, tanba ita tur iha laran no anin la kona, maibe tanba Bus laiha, pasensia kala agora ami sena malu iha liur deit, espera la-udan,” dehan nia.
Iha tuku 3 lokaraik, kareta ne’e fila hikas mai no husu ba ema sira ne’ebe selu ona atu sa’e.
“Ida tenke tu’un, ohin nain 10 deit mak selu, agora nain 11 ona, nain 2 iha oin, iha kotuk nain 9 ona, se la tun ita sei la ba,” kondutor ne’e ameasa.
Maibe pasazeiru sira moa la-preokupa, no halo kondutor ne’e hahu nervozu.
“Imi labele sa’e gratis deit, seluk selu ona, ema nebe la-selu tenki tun,” tenik nia.
“Ohin ita aseita hotu ona, osan ne’ebe imi fo ne’e atu ense mina deit,” dehan ema seluk ne’ebe akompaña kondutor ne’e.
No comments:
Post a Comment