Sesta Kalan, 30 Fevereiru 2012
Kazu KKN MJ Lucia Lobato
“23 Maiu Sei Hatan Iha Tribunal Tamba Deskonfia Korupsaun, Nepotismu no Abuzu de Poder”
Vise Prezidenti Parlamentu Nasional, Maria Paixao, hateten, Parlamentu Nasional haruka ona karta imunidade Minitra Justica, Lucia Lobato nian ba Primeiru Ministru, tamba ne’e PN sei la-haruka karta notifikasaun ba Ministra Justica, Lucia Lobato, tamba la-tuir prosedimentu Parlamentu Nasional.
Vise Prezidenti Parlamentu Nasional, Maria Paixao, hato’o kestaun ne’e ba jornalista sira hodi responde kona ba preokupasaun ne’ebe fo sai iha publika ba kazu Ministra Justica, Lucia Lobato, katak, to’o oras ne’e nia seidauk simu karta ida husi Parlamentu Nasional kona ba nia imunidade.
Maria Paixao hateten, Parlamentu Nasional laiha mekanismu atu notifika Ministra Justica, Lucia Lobato, hodi ba hata’an iha Tribunal.
“Iha Parlamentu laiha prosedur ida ke dehan, ami tenki haruka karta ba Ministra Justica, tamba ne’e mak ami haruka de’it karta ba Primeiru Ministru hodi nune’e Governu mak nutifika ka tribunal mak notifika ida ne’e ami lahatene” dehan Maria Paixao.
Tuir planu, Ministra Justica, Lucia Lobato, sei partisipa julgamentu iha tribunal Distrital Dili, iha loron 23 Fulan Maiu, tamba deskonfia involve iha korupsaun, Nepotismu no abuzu de poder.
No comments:
Post a Comment