Komunidade Kontinua Ezizi Governu AMP Atu Tau Matan Ba Problema Hotu

Image: fijitimes.com

Jornal Timor PostSegunda, 09 Abril 2012

Komunidade Ezizi Governu AMP

“Eletrisidade Area Fronteira sei Problema”

Komunidade suku Abani, Sub Distritu Pasabe, Distritu Oe-Cusse, ne’ebe geografikamente fronteira ho nasaun Indonesia, to’o agora sei hasoru problema eletrisidade ne’ebe lakan mate.

Komunidade sira hateten, Governu la tau atensaun ba problema ne’e hodi fo impaktu maka’as ba aktividade, liu-liu difikulta estudante sira atu estuda, no bele mos hatun imazen nasaun TL nian tamba besik fronteira.

“Ami presija tebes eletrisidade, tanba ne’e, presiza tebes governu nia atensaun,” hateten Jacinto Bui nu’udar komunidade suku Abani ba Timor Post.

Bui informa, eletrisidade iha fatin refere la lakan, tamba jerador iha fatin ne’e avaria ona to’o agora governu seidauk tau atensaun.

Kona-ba kondisaun ne’e, Administrador sub Distritu Pasabe, Antao Ulan, wainhira funsionariu ne’ebe tau matan ba EDTL iha fatin ne’e, kuandu la konsege rejolve makina ne’ebe avaria, diak liu funsionariu sira lalika tur hodi hein, atu nune’e labele simu osan saugate.

To’o nutisia ne’e hatu’un, seidauk hetan konfirmasaun husi koordenador EDTL Distritu Oecusse Antao Cabral.