Representante Uma Fukun Fiar "Lu-Olo" ho Taur, La Hakarak Instabilidade

Jornal Timor Post
Kuarta, 28 Marsu 2012

“Mateus Ho Estanislau: Taur, "Lu-Olo", La Hakarak Instabilidade”

Reprejetante Povu iha uma fukun Parlamentu Nasional fiar katak, kandidatu Prezidenti da Repúblika 2012-2017, Francisco Guterres “Lú-Olo” no Taur Matan Ruak hakarak estabilidade ba povu no nasaun ne’e.

“Ema hanesan kandidatu nain rua ne’e, iha domin boot tebes ba rai no povu ida ne’e, tanba ne’e mak sira nain rua durante iha ai-laran luta maka’as ba rai no povu ne’e, ne’ebe sira nain rua ne’e, sei la hanoin a’at ida atu destroi fila-fali rai ho povu ida ne’e,” hateten Deputadu Mateus de Jesus iha Uma Fukun Parlamentu Nasional, Tersa (27/03).

Lian hanesan mos hato’o husi Deputadu Bancada FRETILIN, Estanislau Alexo da Silva katak, “Hau la fiar sira nain rua hakarak fali instabilidade, sira nain rua koinese didiak povu ne’e nia hakarak, tanba ne’e hau la fiar instabilidade mosu iha rai ne’e,” hatutan Estanislau.