Boatus Intrega Funu Nain No Saudozo Nia Ruin Bá Estadu TL

Jornal Timor Post
Kuarta, 02 Maiu 2012

Intrega Funu Nain No Saudozo Nia Ruin Bá Estadu TL
“Horta Seidauk Simu Informasaun”

Prezidenti Repúblika, Dr. Jose Ramos Horta, hateten, nia parte seidauk simu informasaun ofisial ruma husi Estadu Indonesia Kona-bá rumoris ne’ebe espailla katak, atu intrega funu nain no saudozo sira ne’ebe mate, nia ruin iha 20 de Maiu 2012.

“Hau lá simu informasaun ofisial ruma, hau lá hatene se mak lansa informasaun ida ne’e no se mak soe boatus ida ne’e,” Horta dehan bá jornalista sira iha nia servisu fatin, segunda (30/04) foin lalais, relasiona ho boatus ne’ebe mak ohin loron espalla iha publiku katak, iha vizita Prezidenti Repúblika Indonesia mai Timor-Leste sei intrega mos funu nain ne’ebe sei moris no saidozo sira nian ruin.

Nia haktuir, dala barak estadu TL husu bá Indonesia atu haree didiak Heroi nasional, Nicolao Lobato nia ruin iha ne’ebe, hakoi iha ne’ebe maibe to’o agora seidauk hetan informasaun lolo’os husi Estadu Indonesia.