Tersa, 08 Maiu 2012
“Inundasaun Halo Atividade 4 Setembru Paradu”
Eskola Sekundaria 4 de Setembru hasoru problema inundasaun grave (bé nalihun) iha sala eskola bainhira iha tempu udan.
Inundasaun ne’e, difikulta prosesu aprendizazen no estudantes sira tenki paradu.
Diretor eskola 4 de Setembru, Alberto da Costa Branco, dehan, iha tempo udan estudantes sira tenki haruka fila bá uma tanba iha eskola laran nakonu ho bé.
Eskola ne’e iha sala hamutuk 28, maibe sala estudantes 3 inklui sala Edifisiu eskola lá utiliza ho diak, tanba bé no tahu nakonu iha tempu udan.
Bá kestaun ne’e, tuir Diretor ne’e katak, ekipa Ministeriu Edukasaun identifika bei-beik ona maibe to’o agora seidauk iha asaun konkreta ida atu bele salva situasaun ida ne’e.
No comments:
Post a Comment